MIRROR成員姜濤今日（29日）在啟德體藝館舉行27歲生日會，為4月30日正日預先慶祝。活動於晚上8時正式揭開序幕，由一班舞蹈員率先登場，以串燒形式演繹多首姜濤作品炒熱氣氛。大約8時15分，「姜admin」終於現身，全場姜糖（粉絲暱稱）即時爆發歡呼聲迎接偶像。
甫登場時姜濤略顯靦腆，但很快進入狀態。他先將簽名壽桃公仔拋向觀眾，隨後與現場約6500名粉絲一同砌蛋糕、許願及吹蠟燭，期間更幽默笑說「冇蠟燭」，引得全場大笑。
之後姜濤獻唱《追愛狂想》，更走落台與粉絲近距離互動，氣氛高漲。演出過後，他開始分享心聲，坦言過去的自己並不乖巧：「其實以前嘅我幾頑皮，喺學校無論小學定中學，都算係比較曳，加上性格、外形同成績，我唔係一個好受歡迎嘅人。」
他亦罕有自揭曾經「報大數」學歷：「我人生第一次迷惘係離開中學嗰陣，因為成績太差，學校話冇得再讀。其實我留過兩年班，但以前唔敢講。我只係讀到中一，以前訪問話讀到中三，其實係假。」他更自嘲連中一課程都難以應付。
談到人生低潮，他提到曾經情緒失控的階段，包括被外界熱議的「掃掃掃」事件：「其實嗰件事之前我已經開始崩潰，會發脾氣、打爛嘢、對人唔好。突然間好快成名，點可能唔飄？但好感激身邊有人將我拉返正。」
最後，姜濤以自身經歷鼓勵粉絲：「無論幾困難，當你真係面對想放棄嗰一刻，要堅持其實好難。但我捱過咗，希望新一年可以做得更好。所有決定都係我自己揀，我相信自己做得到，希望大家繼續支持我。」分享過後，他以偶像羅志祥的《愛不單行》作結，為生日會畫上句號。